پەکەکە:”نابێت کورد بیر لە دەوڵەتی سەربەخۆ بکاتەوە”

ئەندامی کۆنسەی سەرۆکایەتی پەکەکە دەڵێت:” کە پێکهاتەی کورد لەو دەوڵەتانە هەوێنی پاراستنی و بنیات نانی دەوڵەتی گەلانی رۆژهەڵاتی ناوەراستە و نابێت کورد بیر لە دەوڵەتی سەربەخۆ بکاتەوە.
دوران کالکان ئەندامی کۆنسەی سەرۆکایەتی پەکەکە لە لێدوانێکدا بۆ کەناڵێکی کوردی دەلێت، “هیچ دەسەڵاتدارێکی (عێراق ، سوریا ، ئێران و تورکیا) مافی بریاردانی تێکدانی دەوڵەتی گەلانی رۆژهەڵاتی ناوەراستی نیە، ئێمە لە قۆناغێکداین، کە دەوڵەتی گەلانی رۆژهەڵاتی ناوەراست دەپارێزین، بۆ ئەوەی گەلانی رۆژهەڵاتی ناوەراست، دەوڵەتی دیموکراتی گەلان لەناو ئەو چوار دەوڵەتە بنیات بنێین”.
دوران کالکان ئاماژەی بەوەش کرد “کە پێکهاتەی کورد لەو دەوڵەتانە هەوێنی پاراستنی و بنیات نانی دەوڵەتی گەلانی رۆژهەڵاتی ناوەراستە و نابێت کورد بیر لە دەوڵەتی سەربەخۆ بکاتەوە. گەلانی رۆژهەڵاتی ناوەراست لە سەر بنەمای نەتەوە دەوڵەت دروست بکرێت و ئەمە پرۆژەیەکی ( شاشە و هەڵەیەکی ستراتیژیە) بۆیە ئێمە بەهەموو شێوەیەک دژی دروست کردنی دەوڵەت نەتەوەی کوردین، لەگەڵ پاراستنی دەوڵەتی ( عێراق و سوریا و ئێران و تورکیا) داین، بەڵام خەباتی ئێمە بۆ گۆڕینی شوناسی ئەو دەوڵەتانەیە، بۆ دەوڵەتی گەلانی دیموکراتی لە رۆژهەڵاتی ناوەراست”.
هەروەها ئەو سەرکردەیەی پەکەکە دەلێت، شنگال و موسڵ بۆ ئێمە خاڵی پاراستنی (دەوڵەتی گەلانی رۆژهەڵاتی ناوەراستە) بەیەک بەستنەوەی رێرەوی گەلانی رۆژهەڵاتی ناوەراستە، بۆیە ئێمە رووبەروی پێشمەرگە دەبینەوە، چونکە ناسنامەی پێشمەرگە ناسنامەیەکی مەترسیدارە، لەسەر دەوڵەتانی (عێراق و سوریا و ئێران و تورکیا) لەهەوڵی دروست کردنی دەوڵەت نەتەوە دان، کوردستانی مافی دەوڵەت نەتەوەی نیە، ئەم مافە سەرمایەداری بە کوردی داوە، بۆ بەرژەوەندی جەمسەرگیری و سیاسی و عەسکەری بۆیە ئێمە بەهەموو شێوەیەک رووبەروی دەبینەوە”.
کالکان دەشلێت، پەکەکە بۆ دروست کردنی ناسنامەی (نەتەوە دەوڵەت بۆ کورد) دانەمەزراوە، ئەم قوتابخانەیە، ناکرێت بە ( پارتی و یەکێتی و گۆڕان و دیموکرات و ئەنەکەسێ و پەدەکەی باکور) چەندانی حزبی تر بچوێنرێت، ئەمە هەڵەیەکی گەورەیە، پەکەکە ناسنامەی دەوڵەت نەتەوەی کورد ناپارێزێت و دژی دەوەستێتەوە”.
دوران کالکان دەربارەی ئێران دەلێت: “ئێمە جگە لەوەی کە تێبینیمان لەسەر جۆڕی پرۆژەکەی ئێران هەیە، بۆ گەلانی رۆژهەڵاتی ناوەراست، لەرووی ئایدۆلۆژیەوە، بەڵام وەک پرۆژەیەکی ئامادە لەگەڵ پرۆژەی ئێمەشدا نزیکایەتی هەیە، ستراتیژی هاوبەشمان لەگەڵیان هەیە، چونکە ئێرانیش هاوشێوەی ئێمە دژی تێکدانی دەوڵەتی گەلانی دیموکراتە، کە پارچە کردنی عێراق و سوریا و تورکیا و ئێران دەگرێتەوە، ئێمەش هاوشێوەی ئێران هەمان ئامانجمان هەیە بۆیە هەردوولامان رووبەروی ئەو پرۆژانە دەبینەوە.”
دوران کالکان لە کۆتایی وتەکانیدا دەلێت: ” ئەگەر ئێران بەردەوام بێت لەهاوکاری گەلانی دیموکرات لە رووبەرو بوونەوەی لەگەڵ دابەشکارانی دەوڵەتانی رۆژهەڵاتی ناوەراست، ئەوە ئێمە تاران دەکەینە ناوەندێکی ستراتیژی و فیدراسیۆنی پاراستنی دەوڵەتانی گەلانی دیموکرات، چونکە ئێمە و چەپەکانی تورکیا و سوریا و لە عێراقیش لەو هەوڵەداین، کە لەگەڵ ئێراندا هاوبەشیەکی ستراتیژی بۆ رووبەرو بوونەوەی ئەو کوردانە ببەستین، کە دەیانەوێت دەوڵەتانی ( عێراق و سوریا و ئێران و تورکیا) بەرەو دابەش بوون ببەن، بەتایبەتی لە عێراق کە بارزانیەکان و کوردەکانی باکوری عێراق لەو هەوڵەدان و دەیانەوێت دەوڵەت دروست بکەن، ئێمە یەکەم هێز دەبین رووبەرویان دەبینەوە”.

Be the first to comment

وەڵامێک بنووسە

پۆستی ئەلکترۆنیکەت بڵاو ناکرێتەوە .